VIDEO/ Rusia sulmon Kievin me raketa, të paktën gjashtë të plagosur
Një sulm me raketa ruse ka goditur Kievin në orët e para të mëngjesit, duke lënë të paktën gjashtë persona të plagosur, sipas autoriteteve lokale ukrainase. Gazetarët e AFP-së raportuan se shpërthime u dëgjuan në kryeqytetin ukrainas pak minuta përpara se të aktivizoheshin sirenat e alarmit ajror.
Kreu i administratës ushtarake të Kievit, Timur Tkachenko, njoftoi përmes Telegramit se kryeqyteti ishte nën sulm. “Armiku po sulmon kryeqytetin me raketa,” shkroi ai, duke u bërë thirrje banorëve të strehohen menjëherë në vende të sigurta.
Ndërkohë, kryebashkiaku i Kievit, Vitali Klitschko, konfirmoi se gjashtë persona kanë mbetur të plagosur nga sulmi, ndërsa tre prej tyre janë transportuar në spital për trajtim mjekësor. Autoritetet ukrainase vijojnë të vlerësojnë dëmet e shkaktuara nga sulmi, ndërsa alarmi ajror mbetet aktiv në disa rajone të vendit.
Kiev was just targeted by 8 Iskander ballistic missiles. No warning were issued before the strike. — ayden (@squatsons)