SHBA: Të shtëna me armë zjarri ndaj agjentëve të emigracionit në Çikago, autori në kërkim
Një person ka qëlluar me armë zjarri drejt agjentëve të Doganës dhe Patrullës Kufitare në lagjen Little Village të Çikagos të shtunën, sipas Departamentit të Sigurisë Kombëtare (DHS).
DHS raportoi se agjentët e patrullave kufitare po kryenin operacione ligjore të lidhura me emigracionin pranë Rrugës së 26-të dhe Avenue Kedzie kur një burrë, duke drejtuar një xhip të zi, hapi zjarr.
Sipas Departamentit, persona të tjerë të pranishëm në zonë hodhën gjithashtu një kanaçe bojë dhe tulla drejt automjeteve të agjentëve.
Departamenti i Policisë së Çikagos u thirr për të menaxhuar vendin e ngjarjes. Ndërkohë, autori i sulmit mbetet ende në kërkim.