Në garë me kohën! Tërmete shkatërruese në Venezuelë, numri i të zhdukurve arrin në 36 mijë.
Numri i personave të raportuar si të zhdukur në Venezuelë, pas dy tërmeteve shkatërruese, ka arritur në afro 36 mijë. Ky informacion bazohet në të dhënat e publikuara nga një platformë e krijuar nga autoritetet e vendit për evidentimin e këtyre rasteve.
Sipas njoftimeve zyrtare, lista e personave të zhdukur ndryshon vazhdimisht, ndërsa familjarët vijojnë të raportojnë të afërmit e tyre dhe ekipet e kërkim-shpëtimit punojnë në zonat e prekura.
Autoritetet kanë paralajmëruar se numri i të zhdukurve mund të vijojë të rritet nga momenti në moment, ndërsa operacionet e kërkimit dhe verifikimit të informacionit janë ende në proces.
Deri më tani, janë konfirmuar të paktën 235 persona të vdekur dhe mbi 4,300 të plagosur. Operacionet e kërkim-shpëtimit vazhdojnë pa ndërprerje.