Imazhe Apokaliptike, Ndërtesa të Kthyera në Gërmadha! Ankth për mbi 9,000 të Zhdukur nga Tërmeti i Dyfishtë në Venezuelë
Venezuela ndodhet në gjendje të jashtëzakonshme pas tërmetit shkatërrues që goditi vendin. Autoritetet kanë aktivizuar një platformë online për raportimin dhe gjurmimin e personave të zhdukur, pas problemeve serioze të komunikimit të shkaktuara nga dy tërmetet e forta që tronditën Venezuelën të mërkurën pasdite.
Platforma, me adresën desaparecidosterremotovenezuela.com, është krijuar si një mjet dixhital ku qytetarët mund të raportojnë familjarë të humbur ose të konfirmojnë nëse të afërmit e tyre janë në gjendje të sigurt.
Shumë familje ende nuk kanë mundur të kontaktojnë të dashurit e tyre dhe u bëhet thirrje qytetarëve që, në rast pamundësie komunikimi, të regjistrojnë informacionin në platformë, si dhe të njoftojnë nëse personat e humbur janë gjetur.
Sipas të dhënave paraprake të publikuara, janë regjistruar gjithsej 9,721 raportime. Prej tyre, 9,166 persona rezultojnë ende pa kontakt me familjarët, ndërsa 555 janë gjetur dhe konfirmuar se janë në gjendje të sigurt.