Trump paralajmëron figurat në Venezuelë: Po bëtë si Maduro, do të keni fatin e tij
Presidenti Donald Trump deklaroi të shtunën se embargoja amerikane ndaj naftës venezueliane do të mbetet në fuqi, pas arrestimit të Nicolás Maduro. Ai shtoi se kompani të mëdha amerikane të naftës do të investojnë miliarda dollarë në infrastrukturën e dëmtuar të Venezuelës, ndërkohë që lëshoi një paralajmërim të prerë për figurat e tjera politike dhe ushtarake të lidhura me regjimin.
Trump u tha gazetarëve në resortin e tij Mar-a-Lago në Florida se Shtetet e Bashkuara po ushtrojnë presion ekonomik dhe ushtarak ndaj Venezuelës, teksa po vlerësojnë hapat e mëtejshëm.
“Shumë e rëndësishme është që embargoja ndaj të gjithë naftës venezueliane të mbetet në fuqi të plotë. Forcat e armatosura amerikane mbeten të vendosura në pozicion dhe Shtetet e Bashkuara mbajnë të gjitha opsionet ushtarake derisa kërkesat e Shteteve të Bashkuara të jenë përmbushur plotësisht,” tha presidenti.