Trump: SHBA-të nuk e informuan Rodríguez për planet për të kapur Maduron para operacionit
Presidenti Donald Trump deklaroi të hënën se Shtetet e Bashkuara nuk kanë komunikuar me kampin e zëvendëspresidentes venezueliane Delcy Rodríguez përpara operacionit ushtarak amerikan që synonte kapjen e Nicolás Maduro.
“Jo, nuk është kështu”, u shpreh Trump në një intervistë për NBC News, duke theksuar se ajo ka bashkëpunuar me Shtetet e Bashkuara pas kësaj ngjarjeje. Ai nuk sqaroi nëse ka folur drejtpërdrejt me Rodríguez, e cila u betua si presidente e përkohshme e Venezuelës të hënën.
Trump përsëriti mundësinë që SHBA-të të ndërmarrin një operacion të dytë ushtarak në Venezuelë në rast se Rodríguez ndërpret bashkëpunimin, megjithatë, ai shprehu bindjen se kjo nuk do të jetë e nevojshme.
“Ne jemi të përgatitur ta bëjmë”, tha ai. “Në fakt, ne e parashikuam ta bënim.”
Trump shtoi se Sekretari i Shtetit Marco Rubio ka zhvilluar një bisedë në telefon me Rodríguez në spanjisht rrjedhshëm dhe se “marrëdhënia e tyre ka qenë shumë e fortë”.