Vrasja e dyfishtë që tronditi Aigio-n: Italiani 65-vjeçar mohon akuzat, duke e cilësuar si “tragjedi familjare”
Një 65-vjeçar italian, aktualisht i paraburgosur në burgun e Korydallos, vazhdon të mohojë çdo përfshirje në krimin e dyfishtë që ndodhi në zonën e Longos, pranë Aigio-s, Greqi.
Në një intervistë ekskluzive për televizionin “ANT1”, i akuzuari ka theksuar se ngjarja nuk ka qenë një krim i planifikuar, por një incident familjar që përfundoi tragjikisht. Ai këmbëngul se nuk ka lidhje me ngjarjen dhe se versioni i tij përputhet me një situatë të rëndë familjare që doli jashtë kontrollit.
Autoritetet greke po vazhdojnë hetimet për të zbardhur plotësisht rrethanat e krimit dhe përgjegjësitë e personave të përfshirë. Ndërkohë, mbrojtja e 65-vjeçarit ka njoftuar se brenda ditëve të ardhshme do të paraqesë një kërkesë zyrtare për lirim, duke pretenduar se do të sjellë prova të reja që hedhin poshtë skenarin fillestar të policisë.
Pafajësia e të akuzuarit mbështetet edhe nga vëllai i tij, i cili deklaroi se 65-vjeçari nuk ka pasur sjellje të dhunshme në të kaluarën. Ai shtoi gjithashtu se mban zi çdo ditë si për partneren e humbur, ashtu edhe për 26-vjeçaren.