Zbulohet tunel sekrete për trafik droge, i pajisur me ndriçim dhe dalje në një dyqan
Një tunel tejet i sofistikuar, i ndërtuar në mënyrë profesionale nga kartelet e rrezikshme të drogës, është zbuluar nga autoritetet amerikane në kufirin me Meksikën. Ky korridor nëntokësor, i cili shërbente për të mbushur tregun amerikan me sasi të mëdha narkotikësh, kishte një dalje të fshehtë që të çonte direkt brenda një dyqani në territorin e SHBA-së.
Sipas hetuesve federalë dhe agjentëve të patrullës kufitare, të cilët ndërmorën një operacion të përbashkët, tuneli shtrihej nga qyteti meksikan i Tijuanës e deri në anën tjetër të kufirit. Siç raporton Fox News, inxhinieria e përdorur nga trafikantët ka lënë pa fjalë edhe vetë ekspertët.
Si funksiononte tuneli i kamufluar në dyqan?
Nga pamjet e publikuara nga mediat dhe autoritetet, shihet qartë se tuneli ishte ndërtuar me përmasa të mëdha ku njerëzit mund të ecnin krejtësisht të lirshëm. Ai ishte i pajisur me:
- Sisteme të avancuara ventilimi për ajrosjen nën tokë.
- Rrjet elektrik dhe ndriçim të plotë në të gjithë gjatësinë e tij.
- Një dalje të kamufluar brenda një objekti tregtar, duke bërë që lëvizjet e sasive të mëdha të drogës të dukeshin si pjesë e një aktiviteti normal biznesi.
Hetimet janë shtrirë në të dyja anët e kufirit, ndërsa agjencitë inteligjente po punojnë me ritme të shpejta për të identifikuar personat përgjegjës dhe bosët e drogës që financuan këtë vepër të kushtueshme nëntokësore.