Zgjedhjet në Kosovë: LVV fiton bindshëm me 51.1%, PDK e dyta me 20.2%, LDK shënon rënie
Komisioni Qendror i Zgjedhjeve (KQZ) ka njoftuar se ka përfunduar numërimin e votave për zgjedhjet e mbajtura më 28 dhjetor. Rezultatet paraprake tregojnë fitore të theksuar për Lëvizjen Vetëvendosje (LVV).
Sipas rezultateve aktuale, LVV ka arritur të sigurojë 51.11% të votave, duke përkthyer këtë në 57 ulëse në Kuvendin e Kosovës. Partia Demokratike e Kosovës (PDK) renditet e dyta me 20.19% të votave, ose 22 ulëse.
Lidhja Demokratike e Kosovës (LDK) ka shënuar një rënie, duke marrë 13.23% të votave dhe 15 mandate. Aleanca për Ardhmërinë e Kosovës (AAK) ka siguruar 5.50% të votave, duke i dhënë asaj 6 vende në parlament.
PDK ka paraqitur kërkesë për anulimin e mbi 20 mijë votave të ardhura me postë, duke argumentuar se ato janë pranuar pas afatit ligjor.
Për komunitetin serb janë të rezervuara 10 mandate, ku 9 prej tyre i ka fituar Lista Serbe dhe një mandat Nenad Rashiqi.