Një zjarr i fuqishëm ka përfshirë një klub nate në Indi, duke shkaktuar vdekjen e të paktën 23 personave. Ngjarja tragjike ndodhi në shtetin perëndimor indian të Goas.
Sipas kryeministrit të shtetit, Pramod Sawant, dhe zyrtarëve lokalë, mes viktimave raportohet se ka pasur edhe tre deri në katër turistë, sipas një raporti të agjencisë së lajmeve Press Trust of India. Kombësia e tyre nuk është sqaruar ende.
Zjarri dyshohet të ketë shpërthyer në një diskotekë në Arpora, një zonë në veri të Goas.
“Sot është një ditë shumë e trishtueshme për të gjithë ne në Goa. Një zjarr i madh në Arpora ka marrë jetën e 23 personave”, u shpreh Sawant, i cili vizitoi vendin e ngjarjes.