Turqi: Një ndërtesë shtatëkatëshe shembet, një familje bllokohet nën rrënoja
Një alarm është ngritur në Turqi pasi një ndërtesë shtatëkatëshe u shemb sot në zonën Mevlana Mahallesi të qytetit Gebze, në provincën Kocaeli, pranë Stambollit. Autoritetet po kërkojnë një familje me tre fëmijë të cilët dyshohet se janë bllokuar nën rrënoja.
Shembja ndodhi rreth orës 07:30 të mëngjesit në rrugën Isikgel, për një arsye ende të panjohur. Forca të shumta nga policia, zjarrfikësit, AFAD (Agjencia e Mbrojtjes Civile) dhe ekipet e shpëtimit kanë mbërritur në vendngjarje dhe po marrin pjesë në kërkimin e të mbijetuarve.
Sipas mediave turke, familja ishte brenda ndërtesës kur ajo u shemb.}{|\*|Prindërit, 44 dhe 37 vjeç, dhe tre fëmijët e tyre, 12, 14 dhe 18 vjeç, aktualisht po kërkohen nga ekipet e shpëtimit. $|\*|$
Ekipet e shpëtimit kanë raportuar se kanë dëgjuar zëra nën rrënoja.
Guvernatori i Kocaelit, Ilhami Aktaş, deklaroi se hetimet për shkaqet e shembjes po vazhdojnë në të gjitha aspektet. Ai shtoi: “Vlerësohet se një familje u gjet nën rrënoja. Nëna, babai dhe tre fëmijët e tyre janë nën rrënoja. Thashethemet janë të vërteta. Kolegët tanë që dëgjuan zërin e qytetarëve po vazhdojnë punën e tyre.”