Francezi i Realit i pandalshëm, Mbape më mirë se kushdo në pesë kampionatet më të forta
Kylian Mbape ka fituar për herë të parë Këpucën e Artë dhe duket se është në rrugën e tij për të shtuar edhe më shumë suksese në karrierën e tij. Ai shënon gol pas goli, duke u drejtuar drejt “El Dorado”-s. Një rrugë që sikur GPS-i i tij të mos e kishte llogaritur, tani duket si një destinacion i paracaktuar.
Që në ditën kur u prezantua në Bernabéu, ai u kthye në një grabitqar që nuhat gjahun e tij dhe nuk e lëshon më. Dhe nuk ka gjahtar më të madh se Kilian.
Ai ndëshkoi Valencian me dy gola, edhe pse mund të shënonte tre. Megjithatë, ai zgjodhi të ishte lider duke i dhënë Viniciusit penalltinë e dytë, në vend të vrasësit të pastër.
Në La Liga, Mbape ka shënuar 13 gola në vetëm 11 ndeshje. Në total, ai ka 18 gola në 14 ndeshje këtë sezon, me një mesatare mbresëlënëse prej 1.29 golash për ndeshje, “alla la Kristiano”. Dhe, gjithnjë e më shumë, në stilin e tij karakteristik.
Mbape ka shënuar në tetë ndeshje radhazi, duke u renditur pas vetëm Cristiano Ronaldos, i cili kishte një seri prej 10 ndeshjesh në sezonin 2014-15 me Real Madridin.
Në horizont, ndeshjet kundër Rayo Vallecano (9 nëntor) dhe Elche (23 nëntor, pas pushimit) mund ta barazojnë me Ronaldon, ndërsa ndeshja kundër Gironës (30 nëntor) mund ta lejojë të kalojë rekordin.
Me 44 gola në 45 ndeshjet e tij të para të ligës, Mbape ka nisur më mirë se kushdo në kampionatin spanjoll që nga Hugo Sanchez (44 gola në 44 ndeshje), duke tejkaluar Cristiano Ronaldon (43 gola në 45 të parët). Nga legjenda në legjendë.