Çlirohet ndërtesa e këshillit të Pokrovskut në Kiev, regjimenti 425-të “Skelya” ngre flamurin ukrainas.
Gjatë luftimeve të ashpra në lindje të Ukrainës, forcat sulmuese të regjimentit 425-të “Skelya” kanë arritur të dëbojnë forcat ruse nga ndërtesa e këshillit të qytetit në Pokrovsk dhe kanë ngritur flamurin ukrainas mbi godinë.
Sipas deklaratës së zyrës së shtypit të regjimentit, ata që nuk ikën ose nuk u dorëzuan u asgjësuan. Ky operacion është cilësuar si një fitore simbolike në betejat e vazhdueshme për kontrollin e Donbasit.
Luftimet për Pokrovskin kanë qenë ndër më të përgjakshmet në muajt e fundit, pasi qyteti ka rëndësi strategjike për linjat e furnizimit dhe mbrojtjen e pozicioneve ukrainase në rajonin e Donetskut.
Lufta në Ukrainë filloi në shkurt të vitit 2022, kur Rusia nisi një pushtim të gjerë të territorit ukrainas, pas viteve tensionesh në rajonin lindor të Donbasit, ku forcat separatiste pro-ruse kishin shpallur “republika” të pavarura.
Që prej atëherë, Ukraina ka rezistuar me mbështetjen e vendeve perëndimore, ndërsa frontet në lindje kanë parë beteja të ashpra, me qytete që kalojnë herë pas here nën kontrollin e njërës ose tjetrës palë.
Operacioni në Pokrovsk shihet si pjesë e përpjekjeve të Kievit për të rimarrë territorin e pushtuar dhe për të forcuar moralin e trupave në vijën e parë të frontit.