Mbreti Charles i Heq Zyrtarisht Titullin e Princit Vëllait të Tij, Andrew, pas Lidhjes me Skandalin Epstein
Mbreti Charles ka hequr zyrtarisht titullin e princit vëllait të tij, Andrew Mountbatten Windsor, përmes një dokumenti zyrtar të vulosur mbretërisht. Ish-princit të turpëruar i është hequr gjithashtu edhe emërtimi “Lartësia e Tij Mbretërore”. Ky veprim u krye pasi mbreti lëshoi një Letër Patente, një dokument historik që monarkët përdorin për të dhënë ose hequr emërime apo tituj.
Një njoftim i publikuar të mërkurën në “The Gazette”, regjistri zyrtar publik i Mbretërisë së Bashkuar, thuhet se “Mbreti ka qenë i kënaqur me Letrat e Patentës nën Vulën e Madhe të Mbretërisë të datës 3 nëntor 2025 për të deklaruar se Andrew Mountbatten Windsor nuk do të ketë më të drejtë të mbajë dhe të gëzojë stilin, titullin ose atributin e ‘Lartësisë Mbretërore’ dhe dinjitetin titullar të ‘Princit'”.
Mbreti gjithashtu i hoqi zyrtarisht vëllait të tij titullin Duka i Jorkut. Monarku kishte njoftuar më 31 tetor se po i hiqte titujt vëllait të tij dhe po e dëbonte nga rezidenca mbretërore për shkak të lidhjeve të tij me kriminelin e dënuar për krime seksuale, Jeffrey Epstein.