VIDEO/ Çfarë po ndodh me Putinin? Paraqitja e fundit ndez spekulime për shëndetin e tij
Thashethemet për gjendjen shëndetësore të Vladimir Putinit janë ringjallur sërish, këtë herë nga pamjet që tregojnë dorën e tij të fryrë dhe me venat e zmadhuara. Presidenti rus u fotografua duke shtrënguar fort dorën e tij, si pasojë e shqetësimit, gjatë një eventi ku 73-vjeçari iu drejtua një publiku të mbledhur në një palestër basketbolli.
Këto imazhe kanë shtuar spekulimet se Putini vuan nga një sëmundje serioze, me “detektivët” online që pretendojnë se ai mund të ketë Parkinson ose kancer.
“Diçka nuk është në rregull me duart e Putinit”, ka deklaruar për East2West Anton Gerashchenko, ish-këshilltar i Ministrisë së Brendshme të Ukrainës. “Përveç faktit që janë të mbuluara me gjak deri në bërryla, venat e tij janë gjithashtu të zmadhuara”, shtoi ai.
Në nëntor 2024, duart e Putinit ishin gjithashtu objekt spekulimesh. Atëherë, Gerashchenko postoi në X se një video tregonte se ato “nuk lëviznin dhe dukeshin sikur ishin të shkëputura nga trupi i tij”.
Në tetor 2024, Kremlini kishte deklaruar se Putini nuk kishte probleme shëndetësore, pas një periudhe dyjavore mungese nga publiku. Gjithashtu, u bë e ditur se Putini kishte vizituar një spital në Moskë për ekzaminime mjekësore.
Në prill 2022, një video e Putinit duke mbajtur një tavolinë ndërsa bisedonte me ish-ministrin rus të Mbrojtjes, Sergei Shoigu, kishte shkaktuar gjithashtu spekulime lidhur me gjendjen e tij shëndetësore.