Të paktën 21 të vdekur nga sulmet izraelite në Gaza
Agjencia e Mbrojtjes Civile ka njoftuar një bilanc të ri prej 21 viktimash të shkaktuara nga sulmet izraelite në Rripin e Gazës. Tensionet janë të larta, me Izraelin dhe Hamasin që akuzojnë njëri-tjetrin për shkelje të një armëpushimi të brishtë.
Ushtria izraelite pretendon se ka nisur goditje kundër objektivave terroriste të Hamasit në Rripin e Gazës, si kundërpërgjigje ndaj asaj që e cilësoi si një sulm nga një “terrorist i armatosur” kundër ushtarëve izraelitë, duke lënë pas viktimë ushtarë.
Zyra e kryeministrit izraelit, Benjamin Netanyahu, njoftoi se ushtria izraelite ka vrarë pesë “persona të rëndësishëm të Hamasit” gjatë këtyre sulmeve. Sipas palës izraelite, këto sulme u kryen si përgjigje ndaj “shkeljes së armëpushimit nga organizata palestineze”.
“Sot, Hamasi shkeli përsëri armëpushimin duke dërguar një terrorist në zonën e kontrolluar nga Izraeli në Gaza, me qëllim sulmin ndaj ushtarëve,” thuhet në një deklaratë nga zyra e Netanyahut. “Në përgjigje, Izraeli ka vrarë pesë terroristë të rangut të lartë të Hamasit.” Deklarata i bën thirrje “ndërmjetësve që të insistojnë që Hamasi t’i përmbahet angazhimeve të tij sipas armëpushimit.”