Zelensky: Ukraina nuk ka kërkuar kurrë luftë dhe nuk do të jetë kurrë pengesë për paqen
Presidenti ukrainas, Volodymyr Zelensky, ka dhënë detaje rreth punës që po zhvillohet aktualisht në Zvicër, duke theksuar se të gjithë po ofrojnë mbështetje dhe po japin këshilla.
Në një postim në platformën X, ai shprehu mirënjohje ndaj të gjithë atyre që po ofrojnë ndihmë Ukrainës.
Zelensky u zotua se Ukraina nuk do të jetë kurrë pengesë për paqen.
“Ukraina nuk ka dashur kurrë luftë dhe ne nuk do të jemi kurrë pengesë për paqen. Diplomacia është rigjallëruar dhe kjo është pozitive. Ne presim që rezultati të çojë në hapat e duhur. Përparësia kryesore është paqja e besueshme, siguria e garantuar, respekti për popullin tonë dhe respekti për të gjithë ata që dhanë jetën e tyre duke mbrojtur Ukrainën nga agresioni rus,” tha ai.
Presidenti ukrainas shtoi se miliona ukrainas mbështesin qartë qëndrimin e shtetit të tyre, i cili, sipas tij, është i prekshëm. Ai theksoi se ekziston mbështetje e fortë për pavarësinë dhe sovranitetin ukrainas, dhe se qytetarët duhet të përfitojnë nga të gjitha vendimet politike.
Presidenti Ukrainas ka afat deri të enjten për të pranuar ose jo propozimin prej 28 pikash të Donald Trump. Nga ana tjetër, kreu i Kremlinit është shprehur pozitiv në lidhje me këtë propozim, duke e quajtur atë si “plani i vetëm që mund të sjellë paqen”.