OKB mbështet përpjekjet e SHBA-ve: Jemi pro çdo përpjekjeje për të organizuar bisedime midis Rusisë dhe Ukrainës
Organizata e Kombeve të Bashkuara (OKB) mbështet çdo përpjekje për të organizuar bisedime midis Rusisë dhe Ukrainës, tha zëvendëszëdhënësi i Sekretarit të Përgjithshëm të OKB-së, Farhan Haq.
“Ne inkurajojmë të gjitha përpjekjet drejt negociatave midis Ukrainës dhe Federatës Ruse”, tha ai, duke komentuar vizitat e negociatorëve amerikanë Steve Witkoff dhe Jared Kushner në Moskë dhe Kiev.
Më herët, ndihmësi i presidentit rus, Yury Ushakov, kishte deklaruar se Witkoff dhe Kushner kishin premtuar të paraqesin vlerësimet e shprehura nga Presidenti rus Vladimir Putin lidhur me mënyrat e mundshme të zgjidhjes së konfliktit gjatë bisedimeve të tyre në Kiev.