Suedia po planifikon të blejë raketa lundruese me një rreze veprimi prej 2.000 km, të cilat mund të godasin objektiva thellë brenda territorit rus.
Këtë informacion e ka bërë të ditur kanali televiziv suedez SVT, duke iu referuar një raporti të lëshuar nga drejtuesit e Forcave të Armatosura Suedeze.
Sipas Shefit të Shtabit të Ushtrisë Suedeze, Karl-Johan Edström, këto raketa mund të përdoren në rast të një sulmi të mundshëm rus kundër NATO-s. Ai shtoi se përdorimi i tyre mund të synojë “gjithçka, nga sistemet e kontrollit dhe sensorët deri te infrastruktura kritike.”
Raporti nënvizon gjithashtu nevojën për të zëvendësuar anijet minahedhëse, duke theksuar se “nga njëra anë, ato po dalin nga përdorimi, dhe nga ana tjetër, nevoja për të mbrojtur flotën tregtare është rritur.”