Leavitt: Trump ka ndaluar financimin për luftën në Ukrainë, por po dërgon armë tek NATO-ja
Sekretarja e Shtypit e Shtëpisë së Bardhë, Carolyn Leavitt, ka deklaruar se Presidenti i SHBA-së, Donald Trump, ka ndalur financimin për luftën në Ukrainë, ndërkohë që Uashingtoni vazhdon të dërgojë armë tek NATO-ja.
Në një intervistë për Fox News, Leavitt theksoi se Shtetet e Bashkuara nuk mund të vazhdojnë këtë mbështetje për një kohë të pacaktuar.
Ajo shtoi: “Presidenti Trump ka ndaluar financimin e luftës në Ukrainë, por Shtetet e Bashkuara ende po dërgojnë dhe shesin sasi të konsiderueshme armësh në NATO. Por ne nuk mund ta bëjmë këtë përgjithmonë. Dhe Presidenti dëshiron që kjo luftë të përfundojë.”
Leavitt gjithashtu shprehu optimizmin e Presidentit Trump për një marrëveshje të shpejtë për t’i dhënë fund luftës në Ukrainë.
“Presidenti mbetet optimist dhe shpresëplotë për mundësinë e një marrëveshjeje,” tha Leavitt, duke shtuar se pas bisedimeve të Gjenevës, vetëm disa pika mbeten për t’u dakorduar.