Hong Kong: Zjarri i madh shuhet pas gati 48 orësh, 94 viktima dhe 300 të zhdukur
Qeveria e Hong Kongut ka njoftuar se zjarrfikësit kanë përfunduar operacionet për shuarjen e një zjarri masiv që përfshiu kompleksin e banimit Wang Fuk Court në distriktin verior të Tai Po. Zjarri, i cili shpërtheu herët të mërkurën pasdite, dogji plotësisht shtatë nga tetë kullat e ndërtesave.
Sipas buletinit të fundit zyrtar, numri i viktimave ka arritur në 94, ndërsa 78 persona të tjerë kanë mbetur të plagosur. Autoritetet paralajmërojnë se bilanci mund të rritet më tej.
Numri i banorëve të zhdukur mbetet ende i paqartë dhe, sipas mediave lokale, mund të arrijë deri në 300 persona. Hetimet mbi shkaqet e zjarrit vazhdojnë.