Macron diskuton me Trump zgjidhjen e konfliktit Rusi-Ukrainë
Presidenti francez, Emmanuel Macron, zhvilloi një bisedë telefonike me presidentin e SHBA-së, Donald Trump. Gjatë bisedës, ata diskutuan situatën aktuale të luftës Rusi-Ukrainë.
Biseda u zhvillua pas takimeve të Macron me presidentin ukrainas Volodymyr Zelensky në Paris. Pallati Elysee bëri të ditur se presidentët francez dhe amerikan diskutuan kushtet për një paqe të besueshme dhe të qëndrueshme në Ukrainë, si dhe përpjekjet e ndërmjetësimit të SHBA-së.
Udhëheqësi francez theksoi gjithashtu se puna për garancitë e sigurisë për Ukrainën ka përfunduar dhe shprehu gatishmërinë e tij për të bashkëpunuar me Shtetet e Bashkuara në këtë drejtim.