Kallas: Holanda dhe Ukraina do të prodhojnë së bashku dronë
Holanda dhe Ukraina kanë nënshkruar një marrëveshje për të organizuar prodhimin e përbashkët të mjeteve ajrore pa pilot (UAV). Ky lajm u bë i ditur nga shefja e shërbimit diplomatik të Bashkimit Evropian, Kaya Kallas, gjatë një konference për shtyp pas takimit të ministrave të mbrojtjes të vendeve të BE-së.
“Holanda nënshkroi sot një marrëveshje me Ukrainën për të nisur prodhimin ushtarak në territorin e saj”, theksoi Kallas.
Më herët, Ukraina dhe Holanda kishin nënshkruar një marrëveshje për një paketë financiare shtesë prej 250 milionë eurosh. Këto fonde do të përdoren për blerjen e pajisjeve të mbrojtjes ajrore nga rezervat e SHBA-së, si dhe municione për avionët luftarakë F-16, në kuadër të iniciativës PURL.