Kaos në Florida: Aligatori gjigant bllokon rrugën, momente paniku
Florida u përball me kaos dhe panik pasi një aligator me përmasa mbresëlënëse, 4.2 metra i gjatë dhe 272 kilogramë, doli papritur në mes të rrugës, duke shkaktuar bllokimin e qarkullimit.
Shoferët e pranishëm në vendngjarje kanë filmuar zvarranikun e madh, dhe pamjet filmike janë bërë shpejt virale në rrjetet sociale.
Një specialist për trajtimin e zvarranikëve mbërriti në vendngjarje dhe, në bashkëpunim me shtatë oficerë policie, arriti të largojë aligatorin në mënyrë të sigurt. Operacioni kërkoi kohë për shkak të madhësisë dhe rezistencës së kafshës, por përfundoi pa asnjë incident.
Rruga u rihap menjëherë pas largimit të tij. Autoritetet u bënë thirrje shoferëve dhe banorëve të mos i afrohen kurrë aligatorëve.
Sipas ekspertëve, gjatë kësaj periudhe të vitit, këta zvarranikë janë më aktivë për shkak të temperaturave të ulëta dhe nevojës për të gjetur burime uji, gjë që rrit mundësinë e shfaqjes së tyre pranë zonave të banuara.