Le Monde: Kievi i gatshëm të pranojë një zonë të demilitarizuar në Donbas
Kievi është gati të pranojë krijimin e një zone të demilitarizuar në Donbas. Kështu raporton gazeta Le Monde, duke cituar burime sipas të cilave zona e demilitarizuar do të shtrihej në të dyja anët e vijës së demarkacionit.
Sipas Le Monde, ky propozim është miratuar edhe nga Europa. Donbasi, një rajon strategjik me një pellg mineral të lakmuar nga Rusia që nga viti 2014, mund të vihet nën mbikëqyrjen e forcave ndërkombëtare, veçanërisht të Shteteve të Bashkuara, për të parandaluar agresionin e mëtejshëm rus.