Kuvendi Sot në Seancë Plenare: Çfarë Parashikohet në Rendin e Ditës
Kuvendi do të zhvillojë sot, më 18 dhjetor 2025, një seancë plenare në orën 10:00. Deputetët pritet të diskutojnë dhe miratojnë një sërë projektligjesh dhe projektvendimesh me rëndësi.
Në rendin e ditës janë përfshirë nisma që kanë të bëjnë me:
- Ratifikimin e marrëveshjeve ndërkombëtare.
- Mbrojtjen nga diskriminimi.
- Diasporën.
- Ndryshimet klimatike.
- Vullnetarizmin.
- Mbështetjen e startup-eve.
Gjithashtu, do të zhvillohet një mocion me debat mbi masat e marra nga qeveria në luftën me tolerancë zero kundër krimit të organizuar. Seanca do të përfshijë edhe diskutime për çështje jashtë rendit të ditës.
Në këtë ditë, pritet të bëhet betimi i Endrit Shabanit si ‘Avokat i Popullit’.
Urdhër për Mbledhjen e Kuvendit në Seancë Plenare më 18.12.2025, Ora 10:00
Në mbështetje të neneve 7, pika 6, dhe 27/1 të Rregullores së Kuvendit, dhe bazuar në programin e punës dhe kalendarin e punimeve të Kuvendit për periudhën 1-19 dhjetor 2025, URDHËROJ:
- Mbledhjen e Kuvendit në seancë plenare më datën 18.12.2025, ora 10:00.
- Rendi i ditës i seancës plenare është si më poshtë:
- Miratimi i procesverbalit të seancës plenare të datës 11.12.2025.
- Njoftime.
- Projektligji “Për ratifikimin e Traktatit të Riadit për Disenjot dhe të rregulloreve sipas këtij traktati, bërë në Riad më 22 nëntor 2024”.
- Projektligji “Për kujdesin alternativ në familje në Republikën e Shqipërisë”.
- Projektligji “Për disa shtesa dhe ndryshime në ligjin nr. 10 221, datë 4.2.2010, ‘Për mbrojtjen nga diskriminimi’”.
- Projektligji “Për disa ndryshime dhe shtesa në ligjin nr.16/2018 ‘Për diasporën’”, të ndryshuar.
- Projektligji “Për vullnetarizmin”.
- Projektligji “Për disa shtesa dhe ndryshime në ligjin nr. 155/2020 ‘Për ndryshimet klimatike’”.
- Projektligji “Për sinjalizimin dhe mbrojtjen e sinjalizuesve”.
- Projektligji “Për disa shtesa dhe ndryshime në ligjin nr. 25/2022 ‘Për mbështetjen dhe zhvillimin e startup-eve’”, të ndryshuar.
- Mocion me debat për masat e marra nga qeveria për luftën me tolerancë zero ndaj krimit të organizuar.
- Projektvendimi “Për emërimin e Drejtorit të Përgjithshëm të Institutit të Statistikave”.
- Projektvendimi “Për miratimin e disa ndryshimeve në vendimin nr. 28, datë 18.06.2020, ‘Për miratimin e strukturës organizative, organikës dhe klasifikimit të pagave të personelit Inspektorit të Lartë të Drejtësisë’”, i ndryshuar.
- Projektvendimi “Për miratimin e organikës dhe klasifikimit të pagave të punonjësve administrativë pas mbarimit të mandatit të Komisionit të Posaçëm të Apelimit”.
- Diskutime për çështje jashtë rendit të ditës.
- Ngarkohen shërbimet e Kuvendit për publikimin e rendit të ditës të seancës plenare, njoftimin e anëtarëve të Kuvendit me anë të mjeteve të komunikimit elektronik, si dhe përgatitjen e dokumentacionit parlamentar që do të shqyrtohet.
- Ky urdhër hyn në fuqi menjëherë.