VIDEO/ Sulm i dhunshëm në Taipei, një person vret 3 të tjerë dhe plagos 9 në kryeqytetin e Tajvanit
Një person i armatosur me thikë dhe bomba tymuese ka vrarë të paktën tre persona dhe plagosi nëntë të tjerë në kryeqytetin e Tajvanit, Taipei, raportuan mediat lokale të premten.
I dyshuari filloi të hidhte bomba tymi në një nga daljet e një stacioni metroje gjatë orës së pikut të mbrëmjes dhe më pas goditi rastësisht njerëzit me thikë.
Një nga viktimat raportohet se vdiq nga arresti kardiak, ndërsa dy të tjerë ndërruan jetë për shkak të plagëve të marra.
I dyshuari, 27-vjeçar, u hodh nga një ndërtesë ndërsa ndiqej nga policia dhe më vonë vdiq në spital, sipas Taipei Times.
Në videot që qarkullonin në mediat sociale, sulmuesi shihej me atë që dukej të ishte jelek antiplumb dhe maskë, i armatosur me një thikë të gjatë dhe duke hedhur bomba tymi nga një çantë shpine.
I dyshuari kishte një urdhër arresti të lëshuar në fillim të këtij viti për mos përditësimin e regjistrimit të vendbanimit dhe mosmarrjen e njoftimit të detyrueshëm për rekrutim ushtarak, shkroi United Daily News (UDN), duke cituar të dhëna nga Zyra e Prokurorit të Qarkut lokal.
Thuhet se veprimet e tij filluan më herët atë mëngjes, kur i dyshuari i vuri flakën banesës dhe automjeteve të tij në zonë, para se të shkonte në stacionin e metrosë.