“`html
Lara Colturi e mbyll vitin në majë: Suksesi dhe mbështetja e Fibank në çdo hap
Lara Colturi e mbyll vitin 2025 me një tjetër sukses në Kupën e Botës në skitë alpine, duke u ngjitur për të katërtën herë në podium gjatë këtij sezoni. Në garën e zhvilluar në Semmering, Austri, kampioni që përfaqëson Shqipërinë u rendit në vend të tretë në disiplinën e slalomit, duke lënë pas emra të mëdhenj si Mikaela Shiffrin dhe Camille Rast.
Pas sukseseve në Levi (Finlandë), Gurgl (Austri) dhe Copper Mountain (SHBA), Colturi e përmbylli një vit fantastik për të dhe për skiat alpine shqiptare me këtë arritje të re në Semmering. Ky sukses nuk është vetëm fryt i talentit dhe disiplinës personale, por edhe i një modeli mbështetjeje që lidh sportin me vizionin dhe përgjegjësinë sociale të sektorit financiar.
Në këtë rrugëtim, Fibank Albania u shfaq si një partner që beson te potenciali afatgjatë, jo thjesht te rezultati i momentit. Marrëveshja e sponsorizimit, e nënshkruar në korrik 2025 me Federatën Shqiptare të Skive për sezonin 2025-2026, konfirmoi një filozofi të qartë: mbështetjen e ekselencës, investimin te të rinjtë dhe krijimin e vlerave përmes sportit.
Për Fibank, ky angazhim nuk është thjesht një akt formal marketingu, por pjesë e identitetit të saj si institucion financiar që e sheh zhvillimin ekonomik të lidhur ngushtë me zhvillimin shoqëror dhe kulturor. Me një traditë mbi 20-vjeçare në mbështetjen e sporteve dimërore në rajon, Fibank ka sjellë këtë përvojë edhe në Shqipëri, duke kontribuar në zhvillimin e skive, përmirësimin e infrastrukturës sportive dhe fuqizimin e komuniteteve malore.
Investimet në pajisje sportive dhe mbështetja për zona si Shishtavec, Borja dhe Puka janë dëshmi e një qasjeje që synon krijimin e një baze të qëndrueshme për brezat e ardhshëm, duke shkuar përtej elitës sportive.
Për Larën, ky partneritet ka qenë një faktor stabiliteti dhe profesionalizmi në një sezon vendimtar të karrierës së saj. Kampioni shprehet: “
Me mbështetjen e duhur, gjithçka është e mundur! Është fantastike të kesh Fibank me vete!
“
Për Federatën Shqiptare të Skive, ky bashkëpunim është një garanci serioziteti dhe vizioni afatgjatë. Për Fibank, është një mënyrë konkrete për të materializuar vlerat që e karakterizojnë: besim, qëndrueshmëri, përgjegjësi dhe investim në potencialin njerëzor.
Si sponsor kryesor i Federatës Shqiptare të Skive dhe mbështetës i Larës, Fibank qëndron pranë atyre që synojnë më lart, duke investuar në sport, talent dhe histori që frymëzojnë të gjithë.
Në mbyllje të vitit 2025, historia Lara Colturi-Fibank nuk lexohet vetëm si një bilanc sportiv, por si një shembull se si një bankë mund të luajë rol aktiv në ndërtimin e modeleve pozitive për shoqërinë. Një vajzë, një flamur dhe një bankë që beson – një kombinim që dëshmon se kur vizioni financiar dhe talenti sportiv ecin bashkë, suksesi bëhet i qëndrueshëm dhe frymëzues.
“`