VIDEO/ Sirena për sulme ajrore dhe shpërthime në Venezuelë, bombardohet një bazë ushtarake
Sirena sulmesh ajrore dhe shpërthime u dëgjuan në orët e para të së shtunës në kryeqytetin venezuelian, Karakas.
Një nga objektet e goditura thuhet se ishte Kalaja Tiuna në anën jugore të qytetit, kompleksi kryesor ushtarak i Venezuelës, ku ndodhen, ndër të tjera, Ministria e Mbrojtjes dhe Akademia Ushtarake.
Bombardimet gjithashtu ndërprenë energjinë elektrike në zonë. Shpërthimi i parë u regjistrua rreth orës 1:50 të mëngjesit sipas orës lokale.
“Një shpërthim ishte aq i fuqishëm sa dritarja ime u drodh pas tij”, tha një qytetar, raporton CNN.
Në rrjetet sociale janë publikuar pamje filmike dhe informacione jo të verifikuara që raportojnë sulme në Karakas me helikopterë dhe ushtarë.
Autoritetet nuk kanë konfirmuar ende shkaqet apo dëmet.