Trump e paralajmëroi Maduron, zgjedhjet ishin farsë
Ambasadori i SHBA-së në OKB, Mike Waltz, u shpreh se operacioni i Shteteve të Bashkuara në Venezuelë nuk ka përbërë shkelje të së drejtës ndërkombëtare. Ai theksoi se Presidenti Trump i kishte ofruar shumë mundësi Nicolas Maduros, të cilat nuk u morën parasysh.
“Ne nuk e kemi pushtuar Venezuelën dhe nuk kemi forca ushtarake në vend. Kemi sjellë para drejtësisë një kriminel të kërkuar, të cilit Presidenti Trump i dha shumë mundësi. Ne nuk do të tërhiqemi nga detyrimet tona ndaj botës dhe qytetarëve të Venezuelës.”
“Më shumë se 50 vende dhe organizata nuk e njohin Maduron si udhëheqësin e zgjedhur të vendit. Zgjedhjet ishin një farsë dhe Maduro nuk është Presidenti i vendit,” tha ambasadori amerikan gjatë takimit të Këshillit të Sigurimit të OKB-së.