Rama: 1587 banesa të përmbytura, 339 persona të evakuuar
Është zhvilluar mbledhja e kryeministrit Edi Rama në Komitetin Ndërministror të Emergjencave Civile, ku është diskutuar situata e krijuar nga përmbytjet në disa rajone të vendit, pas reshjeve intensive të ditëve të fundit.
Gjatë fjalës së tij, kryeministri Rama vlerësoi situatën si serioze dhe paraqiti shifra konkrete për dëmet e shkaktuara:
- 1587 banesa janë prekur nga uji.
- 339 persona janë evakuuar.
- 51 familje janë larguar nga banesat e tyre.
Kreu i qeverisë komentoi edhe reagimet politike në këtë kontekst, duke kritikuar opozitën për qëndrimet e saj. Sipas tij, “reagimet nga opozita në këto kohë përmbytjesh janë të tepërta dhe nuk i japin zgjidhje personave të prekur nga kjo situatë.”
Rama theksoi gjithashtu se shkak për situatën e krijuar janë reshjet e pazakonta për këtë periudhë. “Sasia e reshjeve ka qenë e jashtëzakonshme, më e madhe sesa sasia mesatare e reshjeve që bien gjatë gjithë muajit,” u shpreh kryeministri.