Sherr dhe plagosje në Lezhë, të përfshirë persona të afërm të ish-deputetit të PS
Një konflikt ka ndodhur në një lokal në qytetin e Lezhës, ku si pasojë dy persona kanë mbetur të lënduar.
Sipas raportimeve, në konflikt është përfshirë edhe Gëzim Ndoka, vëllai i ish-deputetit të Partisë Socialiste, Arben Ndoka.
Burime paraprake bëjnë me dije se rreth pesë persona të maskuar, disa prej të cilëve të armatosur, kanë hyrë në ambientet e lokalit. Dyshohet se këta persona kanë ushtruar dhunë fizike dhe kanë kërcënuar klientët.
Njëri prej personave të maskuar, sipas dëshmive, është prezantuar si nipi i Arben Ndokës.
Gjatë incidentit, Nikolin Marku dhe një person tjetër janë goditur dhe kanë mbetur të lënduar. Nikolin Marku ka akuzuar Gëzim Ndokën për përfshirje në konflikt.
Policia ka mbërritur në vendngjarje dhe ka nisur hetimet për zbardhjen e plotë të rrethanave, identifikimin e personave të përfshirë dhe sqarimin e motiveve të konfliktit.