SHBA/ Dymbëdhjetë shtete shpallin gjendjen e jashtëzakonshme, ndërsa afrohet stuhia e dimrit
Dymbëdhjetë shtete amerikane kanë shpallur gjendjen e jashtëzakonshme përpara mbërritjes së asaj që mund të jetë një nga stuhitë më të rënda dimërore në vitet e fundit, raportoi sot media amerikane.
Stuhia, e shoqëruar nga reshje të dendura dëbore dhe erëra të forta, pritet të përhapet në një distancë prej rreth 3,000 kilometrash, nga Nju Meksiko në jugperëndim deri në Maine në verilindje, gjatë fundjavës, paralajmëroi shërbimi meteorologjik.
Si masë paraprake, linjat ajrore kanë anuluar tashmë qindra fluturime, sipas raportimeve të medias. Gjithashtu, shumë shkolla kanë anuluar mësimin.
Ekzistojnë gjithashtu frikëra për ndërprerje të furnizimit me energji elektrike, për shkak të rënies së pemëve ose shkëputjes së linjave të energjisë si pasojë e peshës së akullit.
Paralajmërimet për motin ose këshillat speciale janë në fuqi për rreth 160 milionë njerëz.
Guvernatorja e Nju Jorkut, Kathy Hochul, paralajmëroi se i ftohti mund të jetë “absolutisht vdekjeprurës”.
Në disa pjesë të Minesotës dhe Dakotës së Veriut, temperaturat mund të bien në minus 45 gradë Celsius, sipas shërbimit meteorologjik.