“`html
Familja Kola u shua në Itali, fqinjët në Peqin: Një tragjedi e madhe
Fshati Gryksh i Madh, Peqin, është zhytur në zi pas tragjedisë së familjes Kola në Itali. Katër anëtarët e familjes humbën jetën nga helmimi me monoksid karboni, teksa ndodheshin në banesën e tyre.
Fqinjët rrëfejnë se familja Kola emigroi në Itali rreth tre vjet më parë, ndërsa më parë kishin jetuar në Greqi për punë sezonale. Ata e përshkruajnë familjen si të rregullt, punëtore dhe të mrekullueshme.
Banorët shprehen të shokuar nga ngjarja, duke theksuar se ky është një fatkeqësi jo vetëm për fshatin, por për të gjithë Shqipërinë. Ata thanë se Arti Kola, kryefamiljari, ishte jetim dhe e kishte humbur të atin në moshë të re. “Këto janë plagët e emigrimit. Dyer të mbyllura e të kyçura. I insëm fëmijët me duart tona dhe sot na kthehen në arkivol,” thanë ata.
Ngjarja ndodhi mbrëmjen e 4 shkurtit. Nga hetimet paraprake, dyshohet se anëtarët e familjes u helmuan nga monoksidi i karbonit, si pasojë e një rrjedhjeje nga pajisja e ngrohjes. Viktimat janë identifikuar si Arti Kola, 48 vjeç, Jonida Kola, 42 vjeçe, dhe dy fëmijët e tyre, Hajdar dhe Xhesika Kola, 15 dhe 22 vjeç.
Alarmin e ka dhënë vëllai i kryefamiljarit, i cili njoftoi karabinierët. Pas mbërritjes në banesën trekatëshe dhe mungesës së përgjigjes, forcat e rendit thyen derën për të hyrë.
“`