15-vjeçar i plagosur në Kukës pas një konflikti mes moshatarëve
Një 15-vjeçar ka pësuar lëndime të lehta gjatë një konflikti fizik që ndodhi mes moshatarëve të tij në qytetin e Kukësit.
Ngjarja, sipas informacioneve paraprake, ka filluar mes disa të miturve të moshës 15 dhe 16 vjeç. Të rinjtë janë konfliktuar me njëri-tjetrin për motive të dobëta, duke përdorur mjete rrethanore. Si pasojë e këtij sherri, njëri prej tyre, 15-vjeçari, ka marrë dëmtime të lehta.
Autoritetet policore kanë mundur të identifikojnë 5 persona të mitur të dyshuar si të përfshirë në këtë konflikt. Ata janë shoqëruar pranë Komisariatit të Policisë, ku kanë qenë të pranishëm familjarët e tyre dhe një psikologe.
Grupi hetimor, nën drejtimin e Prokurorisë, po vijon punën për të sqaruar plotësisht rrethanat e ngjarjes dhe për të dokumentuar ligjërisht të gjitha veprimet.