Ndryshime në kalendarin e Superiores për muajin mars, rikthehet derbi në “Air Albania”. Tirana-Elbasani luhet për herë të parë në stadiumin “Selman Stërmasi”.
Federata Shqiptare e Futbollit ka publikuar axhendën e ndeshjeve të muajit mars në Superiore. Në total do të zhvillohen tri javë të konkurrencës së elitës së futbollit shqiptar.
Një ndryshim bie në sy përsa i përket orarit të ndeshjeve që nuk luhen në mbrëmje, duke u zhvendosur nga ora 13:30, me të cilën jemi mësuar, në orën 15:00.
Nga ana tjetër, sfida mes Tiranës dhe Elbasanit, për herë të parë, konfirmohet se do të luhet në stadiumin “Selman Stërmasi”. Stadiumi “Air Albania” është rezervuar nga Dinamo, e cila do të presë aty derbin me Partizanin një ditë më pas.
Takimi i fundit që do të luhet para pauzës për shkak të aktiviteteve të Kombëtareve, është ai i vlefshëm për javën e 29-të mes Tiranës dhe Vorës. Ky duel pritet të zhvillohet më 22 mars.
JAVA 27:
- 8 mars (e diel): Bylis – Vora, ora 15:00
- 8 mars (e diel): Tirana – Elbasani, ora 15:00 (“Selman Stërmasi”)
- 8 mars (e diel): Flamurtari – Vllaznia, ora 18:00
- 9 mars (e hënë): Egnatia – Teuta, ora 19:00
- 9 mars (e hënë): Dinamo – Partizani, ora 19:00 (“Air Albania”)
JAVA 28:
- 13 mars (e premte): Egnatia – Vllaznia, ora 19:00
- 14 mars (e shtunë): Tirana – Bylis, ora 15:00
- 14 mars (e shtunë): Flamurtari – Elbasani, ora 18:00
- 15 mars (e diel): Vora – Partizani, ora 15:00
- 15 mars (e diel): Dinamo – Teuta, ora 18:00 (“Air Albania”)
JAVA 29:
- 20 mars (e hënë): Elbasani – Egnatia, ora 19:00
- 21 mars (e martë): Bylis – Flamurtari, ora 15:00
- 21 mars (e martë): Teuta – Partizani, ora 18:00
- 21 mars (e martë): Vllaznia – Dinamo, ora 18:00
- 22 mars (e mërkurë): Tirana – Vora, ora 15:00