SHBA-të shpenzojnë 220 milionë dollarë në ditë për operacionet ushtarake kundër Iranit
Operacionet e nisura nga SHBA-të dhe Izraeli kundër Iranit, të cilat kanë filluar më 28 shkurt, po shfaqin rezultate jo vetëm në fushën ushtarake, por edhe në atë ekonomike.
Sipas vlerësimeve paraprake të ekspertëve, municionet e përdorura, kostoja e fluturimeve të avionëve luftarakë dhe dërgesat ushtarake në rajon në 24 orët e para të operacioneve kanë kushtuar miliarda dollarë.
Në veçanti, ushtria amerikane ka shpenzuar rreth 779 milionë dollarë në ditën e parë të operacionit ushtarak kundër Iranit. Krahas kësaj, vendosja e avionëve dhe dhjetëra anijeve detare në rajon ka shtuar një kosto prej 630 milionë dollarësh.
Kostot ditore operative të secilit grup transportuesish aeroplanësh në rajon vlerësohen rreth 6.5 milionë dollarë. Kostoja totale që nga dita e parë e operacioneve arrin rreth 2,276,000,000 dollarë.
Është theksuar se kostoja orare e këtyre operacioneve është 9.16 milionë dollarë, ndërsa kostoja ditore arrin afërsisht 220 milionë dollarë.