Sulm me thikë në Austri: Një i vdekur dhe një i plagosur rëndë
Dy persona janë sulmuar me thikë të shtunën në rrugë në qytetin Linz, Austri. Si pasojë e sulmit, njëri nga viktimat ka humbur jetën, ndërsa tjetri ndodhet në spital në gjendje të rëndë për jetën.
Autoritetet kanë bërë të ditur se personi i dyshuar si autor i sulmit është arrestuar menjëherë pas ngjarjes. Policia ka deklaruar se informacione të mëtejshme rreth rrethanave të ngjarjes, identitetit të viktimave dhe të dyshuarit do të bëhen publike në një datë të mëvonshme. Një zëdhënës i policisë austriake ka theksuar se hetuesit po shqyrtojnë të gjitha mundësitë lidhur me incidentin.
Ndërkohë, gazeta Kronen Zeitung raportoi se i dyshuari dyshohet se ka bërtitur slogane kundër myslimanëve gjatë sulmit. Një dëshmitar okular ka treguar se e ka parë personin të qëndronte për njëfarë kohe në mes të rrugës, duke penguar qarkullimin.