Analizoj titullin dhe përmbajtjen e artikullit të mëposhtëm.
**Titulli:** Muajt e fundit të kontratës së Silvinjos, trajneri nuk fshihet: Shoh situata shumë të favorshme për veten, ka qenë një cikël i jashtëzakonshëm me Shqipërinë
**Përmbajtja:**
Trajneri i Kombëtares shqiptare, Silvinjo, ka një kontratë me Federatën Shqiptare të Futbollit (FSHF) deri në fund të muajit korrik, ose më saktësisht, deri në përfundimin e Kupës së Botës 2026. Palët zyrtarizuan zgjatjen e marrëveshjes, e cila gjithsesi ishte automatikisht në fuqi që pas kualifikimit në fazën “play-off” të aktivitetit. Por çfarë do të ndodhë pas përfundimit të saj?
Vetë Silvinjo ka lënë të hapur çdo mundësi për të ardhmen, por ka qenë i qartë në deklaratat e tij, duke theksuar se e sheh veten si një trajner që nuk i vendos limite vetes përsa i përket drejtimit të skuadrave në të ardhmen. Në një intervistë për emisionin “Bola Quadrada”, ai është ngacmuar edhe rreth kësaj teme. Brazilijani ka theksuar se në korrik do të ulet të mendojë mirë bashkë me stafin e tij se çfarë do të bëjë, duke insistuar se ka “situata të favorshme” përpara.
“Pas përfundimit të këtyre dy ndeshjeve, më 26 dhe 31, kemi një kontratë deri në fund të Kupës së Botës. Shpresojmë të arrijmë atje. Është një situatë e paprecedent, e vështirë, por jo e pamundur. Dhe pas kësaj, kemi plotësuar tre vjet e gjysmë me federatën, një punë e ndërtuar shumë mirë nga ana e federatës dhe nga ana jonë,” ka thënë ai.
Ai ka shtuar: “Është një grup teknik me një bërthamë shumë ndërkombëtare: unë, Doriva dhe Pablo Zabaleta, një argjentinas. Ne të tre sjellim përvoja shumë të ndryshme dhe pastaj, me thelbin tonë dhe autenticitetin që nuk mund të humbasë kurrë, arrijmë ta marrim dhe ta filtrojmë atë në fushë dhe atë që duam nga lojtarët, diçka shumë interesante.”
Silvinjo ka vijuar duke u shprehur: “Unë jam një trajner që nuk vendos kufij. E kuptoj që ekziston ky grup teknik ndërkombëtar. E shoh veten tashmë si një trajner brazilian, natyrisht, por që është duke stërvitur në Shqipëri, ka stërvitur në Francë, ka stërvitur në Brazil. Me pak fjalë, shoh përpara. Shoh situata shumë të favorshme për ne, si grup, por edhe për veten time. Do ta shohim. Pas Kupës së Botës, ndoshta, më në fund do të duhet të ulemi dhe të mendojmë.”
“Cikli me Federatën ka qenë i jashtëzakonshëm, e përsëris, edhe marrëdhënia me presidentin e saj ka qenë e shkëlqyer. Le të presim derisa kjo kontratë të përfundojë në fund të korrikut dhe që atëherë e tutje, të ulemi dhe ta rimendojmë,” përfundoi ai.
Burimi: E.KUKA-PANORAMASPORT.AL