Majorka mbështet kapitenin e Kosovës, Vedat Muriqi, në prag të sfidës ndaj Turqisë
Klubi spanjoll Majorka ka shprehur mbështetjen e tij për kapitenin e kombëtares së Kosovës, Vedat Muriqi, përmes një postimi në rrjetet sociale. Në njoftim, Majorka e ka cilësuar Muriqin “një hap larg Kupës së Botës”, duke i dhënë kështu mbështetje lojtarit në prag të ndeshjes vendimtare kundër Turqisë.
Ky reagim vjen në momentin kyç për kombëtaren e Kosovës, e cila do të zhvillojë sot një përballje shumë të rëndësishme. Vedat Muriqi po kalon një sezon të shkëlqyer me Majorkan, duke shënuar 18 gola deri më tani. Sulmuesi ka qenë një figurë kyçe në përpjekjet e ekipit për të siguruar mbijetesën në ligë, dhe tifozët shprehin shpresën që ai të ruajë këtë formë të lartë deri në fund të sezonit.