“`html
Për vilat dhe apartamentet në bregdet, 50% e kërkesës vjen nga blerës të huaj
Çmimet e shitjes për apartamentet dhe vilat në disa prej projekteve bregdetare janë rritur me 10–15% krahasuar me një vit më parë, sipas Eltion Koçit, Drejtor i Shitjeve në Balfin Real Estate. Koçi shpjegon se kjo rritje nuk reflekton vetëm dinamikën e zhvillimit të sektorit dhe ngritjen e standardeve, por edhe vlerën reale dhe afatgjatë që këto projekte ofrojnë në tregun e pasurive të paluajtshme. Ai thekson gjithashtu se rreth 50% e kërkesës vjen nga blerës të huaj. Sipas tij, rritja e çmimeve nuk pritet të ulë kërkesën, pasi Shqipëria vijon të ruajë avantazhe konkurruese në rajon, si kostot relativisht më të ulëta nga taksimi dhe potenciali i lartë për investim.
Zhvillimet më të fundit në zonat bregdetare
Balfin Real Estate ka një portofol prej rreth 25 projektesh në të gjithë Shqipërinë, ku zhvillimet në bregdet zënë një vend të rëndësishëm:
- Faza e parë e Green Coast është funksionale, ndërsa gjatë këtij viti pritet të nisin dorëzimet e fazës së dytë.
- Vlora Marina sjell një model të ri zhvillimi urban miks në bregdetin shqiptar, duke kombinuar apartamente premium buzë detit, marinën e parë të klasit botëror në vend me mbi 400 vende ankorimi, si edhe një shëtitore me njësi shërbimi. Në partneritet me Marriott, projekti do të sjellë edhe hotelin e parë me 5 yje në bregdetin shqiptar, së bashku me apartamente të branduara.
- Next to Vala Mar Premium, në Gjirin e Lalëzit, është konceptuar si një projekt mixed-use ku rezidencat ndërthuren me natyrën dhe me një gamë të plotë shërbimesh.
- Ndërkohë, Vala Mar Tale është projekti më i ri, një resort rezidencial i konceptuar në harmoni me natyrën, mes deltës së lumit Mat dhe bregdetit të Adriatikut.
Ecuria e çmimeve të shitjes
Çmimet e shitjes për apartamentet dhe vilat në projektet bregdetare kanë shfaqur një tendencë rritëse prej 10-15%, në krahasim me një vit më parë, në varësi të fazës së zhvillimit të projektit. Kjo ecuri është në linjë me zhvillimet e përgjithshme të tregut imobiliar, jo vetëm në Shqipëri, por edhe në nivel rajonal dhe global ku vihet re një rritje e vazhdueshme e vlerës së pasurive të patundshme, veçanërisht në zonat bregdetare me potencial të lartë turistik.
Në rastin e projekteve të Balfin Real Estate, si Green Coast, Vlora Marina, Next to Vala Mar Premium dhe Vala Mar Tale, kjo rritje lidhet me disa faktorë të qartë:
- Vendndodhja shumë e kërkuar.
- Koncepti i integruar i jetesës.
- Standardet e larta të ndërtimit.
- Gama e shërbimeve që ofrohen.
Përtej pronës në vetvete, blerësit po vlerësojnë gjithnjë e më shumë elementë si infrastruktura e plotë, mirëmbajtja, siguria dhe potenciali për kthim investimi nga qiradhënia. Kjo do të thotë se rritja e çmimeve nuk reflekton vetëm dinamikat e tregut, por edhe vlerën reale dhe afatgjatë që këto projekte ofrojnë.
Evolucioni i kërkesës për apartamente në bregdet
Balfin Real Estate ka një njësi të specializuar për studimin e tregut, e cila ndjek në mënyrë të vazhdueshme sjelljen e kërkesës, preferencat e klientëve dhe zhvillimet në tregun vendas e ndërkombëtar. Nga ky analizim, vërehet një diferencim gjithnjë e më i qartë në preferenca.
- Apartamentet mbeten shumë të kërkuara, sidomos në projekte si Vlora Marina, e cila është konceptuar ekskluzivisht si një zhvillim me apartamente. Kërkesa vjen kryesisht nga klientë që kërkojnë një kombinim mes jetesës urbane buzë detit dhe një investimi me menaxhim më të thjeshtë.
- Vilë po fitojnë gjithnjë e më shumë terren. Në Green Coast, për shembull, vihet re një rritje e interesit për vila si një formë jetese më private, me hapësira të dedikuara dhe një eksperiencë më ekskluzive.
Ndikimi i investimeve të mëdha në bregdet
Investimet e mëdha në jug, sidomos ato që përfshijnë marina, hotele ndërkombëtare dhe zhvillime rezidenciale të integruara, po ndikojnë drejtpërdrejt në rritjen e vlerës së pronës në bregdet. Ato rrisin standardin e shërbimeve dhe e bëjnë Shqipërinë një destinacion më konkurrues në rajon. Vlera e këtyre projekteve lidhet me aftësinë për t’i kthyer në hapësira realisht të jetueshme, me shërbime funksionale, mirëmbajtje të vazhdueshme dhe partneritete të qëndrueshme që zgjasin aktivitetin ekonomik përtej sezonit.
Balfin Real Estate kujdeset që projektet e tyre të mos jenë investime të izoluara, por zhvillime që i japin jetë zonës, forcojnë identitetin e saj dhe krijojnë vlerë të qëndrueshme në kohë. Kjo përfshin jo vetëm brandet dhe shërbimet e duhura, por edhe promovimin e zonës, produkteve lokale dhe lidhjes së projektit me komunitetin përreth.
Konkurrueshmëria e çmimeve krahasuar me rajonin
Nuk mendojmë se shtrenjtimet do të ulën konkurrueshmërinë e Shqipërisë në rajon, për sa kohë ato reflektojnë zhvillimin e tregut, rritjen e standardeve dhe mbështeten nga një kërkesë e qëndrueshme. Përkundrazi, Shqipëria vijon të ruajë disa avantazhe të qarta konkurruese:
- Kosto më e favorshme pronësie dhe taksimi krahasuar me shumë vende të rajonit.
- Një sezon turistik më i gjatë, i mbështetur nga klima mesdhetare.
Kjo e bën tregun shqiptar ende tërheqës për blerësit e huaj, sidomos kur flasim për prona me potencial për përdorim personal dhe kthim nga investimi. Aktualisht, rreth 50% e kërkesës në projektet turistike të Balfin Real Estate vjen nga klientë të huaj, dhe pritet një prirje në rritje e kësaj klientele. Kërkesa nga të huajt nuk do të bjerë, por do të vijojë të rritet, për sa kohë Shqipëria vazhdon të ofrojë një kombinim tërheqës mes çmimit, klimës, potencialit të investimit dhe eksperiencës që kërkon sot tregu ndërkombëtar.
“`