Trump Zbulon Detaje nga Bisedimet: Marrëveshja me Iranin do të Nënshkruhet Sonte!
Presidenti i Shteteve të Bashkuara të Amerikës, Donald Trump, ka deklaruar se marrëveshja me Iranin për t’i dhënë fund luftës do të nënshkruhet deri në orët e vona të sotme.
Trump i tha medias FoxNews se marrëveshja me Teheranin do të finalizohet “sonte” dhe shtoi se nëse bisedimet do të dështonin, askush nuk mund të parashikojë me saktësi se cilat do të jenë hapat e mëtejshëm.
Në një intervistë dhënë për New York Post, Trump theksoi se zëvendëspresidenti amerikan, J.D. Vance, dhe delegacioni shoqërues pritet të mbërrijnë në Pakistan brenda pak orësh për bisedime lidhur me çështjen iraniane.
“Ata tashmë janë nisur për atje,” tha Trump, pak pas orës 9 të mëngjesit (UTC). “Do të jenë atje sonte, sipas orës [së Islamabadit].”
Trump la të hapur mundësinë e një zhvillimi diplomatik të rëndësishëm: një takim të drejtpërdrejtë me udhëheqjen iraniane, nëse do të krijohej rasti.
Ai u shpreh se do të ishte i gatshëm të takohej personalisht me udhëheqësit iranianë nëse do të arrinin përparim në bisedime. “Nuk kam problem të takohem me ta,” tha ai. “Nëse ata duan të takohen, ne kemi njerëz shumë të aftë, por unë personalisht nuk kam problem ta bëj këtë.”
“Bisedimet do të zhvillohen,” deklaroi Trump në një intervistë të shkurtër, duke hedhur poshtë dyshimet për një dështim të negociatave. “Pra, në këtë fazë, mendoj se askush nuk po luan lojëra.”
Ai përsëriti për New York Post, në lidhje me bisedimet e paqes: “Pra, në këtë fazë, mendoj se askush nuk po luan lojëra.”
Orakti në të cilin po zhvillohen këto bisedime nënvizon ndjenjën e urgjencës që i rrethon, pasi ato vijnë vetëm disa ditë para përfundimit të një armëpushimi SHBA-Iran, mes tensioneve në rritje në rajon.