Kreditimi i ekonomisë u rrit për të dytin muaj radhazi në mars
Të dhënat më të fundit nga Banka e Shqipërisë tregojnë një trend pozitiv në kreditimin e ekonomisë, duke shënuar rritje për muajin e dytë radhazi në mars. Sektori bankar ka disbursoi 40 miliardë lekë kredi të reja, duke shënuar një rritje prej 10.5% krahasuar me të njëjtën periudhë të vitit të kaluar.
Rritja e kreditimit në muajin mars është vënë re si në segmentin e biznesit, me 6.9%, ashtu edhe në atë të individëve, ku pati një rritje më të ndjeshme prej 20.8%. Kjo ecuri e favorshme në mars ka rikthyer në rritje progresive vjetore edhe huadhënien.
Gjatë periudhës janar-mars, bankat kanë dhënë gjithsej 98.6 miliardë lekë kredi të reja, duke shënuar një rritje prej 1.9% krahasuar me një vit më parë.
Në bilancin tremujor, kontributi kryesor në rritjen e kreditimit vjen nga bizneset. Kredia e re për sipërmarrjen private arriti në 67.3 miliardë lekë, me një rritje prej 7.2% krahasuar me vitin e kaluar. Ndërkohë, kreditimi i individëve ka pasur një rritje më të ngadaltë deri tani. Kredia e re për individët në tremujorin e parë të vitit shkoi në 30.8 miliardë lekë, duke u rritur me 1.1% krahasuar me të njëjtën periudhë të vitit të kaluar.
Megjithatë, muaji mars ka treguar sinjale të qarta të përshpejtimit të kredidhënies edhe në segmentin e individëve. Ky segment pati një rritje të fortë vitin e kaluar, e mbështetur si nga kredia për shtëpi ashtu edhe nga ajo konsumatore. Megjithatë, masat kufizuese të vendosura nga Banka e Shqipërisë në mes të vitit të kaluar, si dhe një qasje më e kujdesshme e vetë bankave, mund të moderuar ritmin e rritjes gjatë këtij viti. Gjithsesi, ritmet e rritjes së kredisë së re për vitin 2026 janë ngadalësuar ndjeshëm krahasuar me dy vitet e mëparshme.
Kredia vazhdon të tregojë një rritje të shpejtë edhe kur matet si tepricë portofoli. Në fund të marsit, totali i kredisë për ekonominë arriti në 958.5 miliardë lekë, duke shënuar një zgjerim prej 11.7 miliardë lekësh krahasuar me muajin shkurt. Kredia mbetet në rritje vjetore dyshifrore, me 10.6% më shumë krahasuar me marsin e vitit të kaluar.
Segmenti i individëve vazhdon të regjistrojë ritme të larta të rritjes së portofolit, duke u rritur me 17.5% krahasuar me një vit më parë. Në segmentin e ndërmarrjeve private, rritja është më e ngadaltë, me 8.2% bazë vjetore. I vetmi segment që po ka një efekt negativ mbi rritjen e portofolit të kredisë është huadhënia për ndërmarrjet shtetërore, e cila edhe këtë vit paraqitet në rënie.
Burimi: BSH