Nojer, portieri i Bajernit, përplaset me mbledhësin e topave të PSG-së
Gjatë ndeshjes mes PSG-së dhe Bajernit, portieri Manuel Nojer u përfshi në një konfrontim me njërin nga mbledhësit e topave të ekipit parizian.
Ndërsa gjermani shtriu dorën drejt një mbledhësi topash të PSG-së, i cili ndodhej pas vijës anësore për t’i kërkuar topin, ky i fundit, pasi u sigurua pas tabelave reklamuese, e injoroi kërkesën. Mbledhësi tërhoqi topin me këmbë dhe shkëmbeu disa shikime të ftohta me portierin 40-vjeçar.
Nojer u kthye pas dukshëm i irrituar, me buzë të shtrënguara nga habia, dhe u largua.
Nuk është e qartë saktësisht në ç’moment të ndeshjes ndodhi ky incident.