Aksident në Gjirin e Lalëzit: Një 57-vjeçar humb jetën, drejtuesit e mjeteve të dehur në timon
Një aksident rrugor ka ndodhur mbrëmjen e së shtunës në zonën e Gjirit të Lalëzës, në Durrës. Përplasja mes dy automjeteve ka sjellë humbjen e jetës së një 57-vjeçari, i cili udhëtonte si pasagjer në njërën nga makinat e përfshira në ngjarje.
Si pasojë e aksidentit, kanë mbetur të plagosur edhe dy drejtuesit e automjeteve, si dhe një pasagjer tjetër.
Sipas njoftimit të policisë, të dy drejtuesit e mjeteve janë arrestuar në flagrancë. Dyshohet se ata drejtonin automjetet në gjendje të dehur në momentin e aksidentit.
Forcat e policisë vijojnë punën për zbardhjen e plotë të rrethanave që kanë çuar në këtë ngjarje tragjike.