“`html
Credins bank dhe Federata Shqiptare e Futbollit Forcojnë Partneritetin Strategjik me Lançimin e Kartës GOOL!
Credins bank dhe Federata Shqiptare e Futbollit (FSHF) kanë forcuar partneritetin e tyre strategjik me lançimin e kartës së re “GOOL!”.
Në kuadër të këtij bashkëpunimi të rëndësishëm, u zhvillua një takim në ambientet e zyrave qendrore të Credins bank. Në takim morën pjesë:
- Z. Maltin Korkuti (Drejtor i Përgjithshëm i Credins bank)
- Znj. Monika Milo (Zëvendës Drejtore e Përgjithshme e Credins bank)
- Z. Armand Duka (President i Federatës Shqiptare të Futbollit)
- Z. Ilir Shulku (Sekretar i Përgjithshëm i FSHF-së)
- Znj. Irida Huta (Menaxhere për Mastercard Shqipëri)
- Përfaqësues të tjerë të lartë nga të dy institucionet.
Takimi u përqendrua në ecurinë e bashkëpunimit, i cili nisi në vitin 2024. Ky partneritet synon të mbështesë futbollin shqiptar, të promovojë vlerat që ai përfaqëson dhe të zhvillojë iniciativa që afrojnë sportin me komunitetin dhe klientët.
Të dyja palët shprehën bindjen se ky bashkëpunim ka sjellë vlerë të shtuar jo vetëm për institucionet, por edhe për tifozët shqiptarë brenda dhe jashtë vendit.
Një nga momentet kryesore të ceremonisë ishte prezantimi zyrtar i kartës së parapaguar “GOOL!”. Ky produkt i ri, zhvilluar në kuadër të partneritetit mes Credins bank dhe FSHF, konceptohet si “karta e shqiptarëve”. “GOOL!” është një produkt inovativ që bashkon emocionet e futbollit me përfitimet bankare, duke krijuar një eksperiencë të re për komunitetin sportdashës dhe klientët e Credins Mastercard.
Me anë të kartës “GOOL!”, klientët do të kenë mundësinë të përfitojnë nga avantazhe ekskluzive, surpriza dhe benefite të lidhura drejtpërdrejt me botën e futbollit. Produkti synon të krijojë eksperienca që tejkalojnë funksionalitetin tradicional të një karte bankare, duke sjellë më pranë klientëve emocionin, krenarinë, energjinë dhe frymën kombëtare që bashkon shqiptarët rreth kombëtares.
Presidenti i FSHF-së, z. Armand Duka, vlerësoi bashkëpunimin me Credins bank si një partneritet të suksesshëm që ka sjellë vlera konkrete. Ai theksoi se Credins bank është një partner i rëndësishëm dhe i besueshëm, duke mbështetur jo vetëm Kombëtaren, por edhe vizionin për zhvillimin e futbollit në Shqipëri. Z. Duka u shpreh:
“Me lançimin e kartës “GOOL”, ne po sjellim një produkt inovativ që lidh edhe më shumë tifozët me Kombëtaren tonë. Kjo kartë nuk është thjesht një mjet financiar modern, por një simbol identiteti, pasioni dhe krenarie kombëtare. Jam i bindur se “GOOL” do të pritet shumë mirë nga tifozët kuqezi, pasi përmes saj ata do të kenë mundësi të ndihen edhe më pranë Kombëtares, duke përfituar benefite dhe eksperienca të dedikuara.”
Nga ana e tij, z. Maltin Korkuti, Drejtor i Përgjithshëm i Credins bank, nënvizoi rëndësinë e zhvillimit të produkteve inovative që krijojnë avantazhe shtesë për klientët dhe materializojnë partneritete të suksesshme afatgjata.
“Partneriteti me Federatën Shqiptare të Futbollit, e kemi konsideruar gjithmonë si një bashkëpunim institucional të rëndësishëm. Ai ka krijuar mundësinë për të ndërtuar iniciativa konkrete që lidhin pasionin për sportin me komoditetet që krijon sot industria bankare. Karta “GOOL” është një tjetër rezultat i këtij vizioni të përbashkët dhe një produkt që vjen për të krijuar një eksperiencë të re për klientët tanë, duke sjellë më pranë futbollit dhe duke i orientuar gjithmonë e më shumë në përdorimin e shërbimeve dhe produkteve bankare.”
Lançimi i kartës “GOOL!” shënon një tjetër etapë të rëndësishme në këtë rrugëtim të përbashkët, duke konfirmuar angazhimin e Credins bank dhe FSHF-së për të vazhduar zhvillimin e iniciativave që promovojnë sportin shqiptar, shpërblejnë tifozët dhe krijojnë vlerë të qëndrueshme për komunitetin.
Znj. Monika Milo, zv. Drejtore e Përgjithshme, në fjalën e saj përshëndetëse u shpreh:
“Për ne është kënaqësi që ky partneritet vijon të konsolidohet si një model bashkëpunimi afatgjatë i ndërtuar mbi qëllime dhe vlera të përbashkëta, duke patur në fokus gjithmonë komunitetin. Përmes mekanizmave të ndryshme si realizimi i aktiviteteve, eventeve, fushatave shpërblyese apo edhe produkteve të dedikuara me benefite, ky bashkëpunim me shumë se biznes është i orientuar nga ana sociale. Credins bank, do të vazhdojë strategjinë e zhvillimit dhe zgjerimit të partneriteteve të ndryshme që gjenerojnë vlera kulturore, sportive, ekonomike, etj, duke patur si etalon ofrimin cilësor të produkteve bankare për klientët e saj.”
Gjatë atmosferës së ceremonisë zyrtare u theksua edhe rrugëtimi frymëzues i Kombëtares Shqiptare, një histori e ndërtuar mbi përkushtimin dhe ambicien. U vlerësua performanca në rritje e skuadrës kombëtare, vizioni afatgjatë dhe bashkëpunimet me partnerë prestigjiozë, të cilët kontribuojnë në zhvillimin dhe forcimin e futbollit shqiptar, duke e kthyer suksesin në një mision të përbashkët.
“`