Olimpiakos shfaq interes për Juljan Shehun.
Gjigantët grekë, të cilët përfunduan sezonin në vendin e dytë, po mendojnë tashmë për përforcime. Megjithatë, marrëveshja me Shehun nuk pritet të jetë e lehtë, pasi kontrata e tij me Uidzeu Lodz vlen deri në vitin 2028, duke bërë që klubi polak të mos nxitohet në shitjen e tij.
Futbollisti 27-vjeçar u bë pjesë e Kombëtares Shqiptare në vitin 2025 dhe u kthye në një titullar për ekipin e trajnerit Silvinjo gjatë fazës së kualifikueseve për Botërorin, duke arritur deri në fazën “play-off”. Ai ishte një titullar i rëndësishëm për Uidzeu Lodz për katër vite. Në sezonin e tij të dytë në Poloni, ai u penalizua nga një dëmtim i rëndë, por prej kohësh është rikthyer në formën më të mirë.
Shehu ka zhvilluar plot 103 ndeshje me ekipin polak të elitës, duke shënuar nëntë gola dhe duke dhënë tetë asistime.