Pamje apokaliptike në Kinë: Rrugët kthehen në lumenj, uji merr me vete makinat (VIDEO)
Përmbytjet masive që kanë goditur Kinën kanë sjellë skena dramatike. Rrugët janë kthyer në lumenj dhe rrjedha të fuqishme uji po marrin me vete automjete, duke shkaktuar dëme të mëdha materiale.
Pamjet e publikuara në rrjetet sociale tregojnë makina të tëra që tërhiqen nga ujërat e rrëmbyeshëm. Autoritetet vijojnë përpjekjet për të përballuar situatën e krijuar nga reshjet intensive.
Në qytetin Shenyang, një pronar automjeti zgjodhi një zgjidhje të pazakontë për të shmangur humbjen e makinës së tij. Ai mori me qira një vinç, i cili e ngriti automjetin në ajër për ta mbrojtur nga përmbytjet e mundshme. Veprimi i tij është bërë viral në internet, ku shumë përdorues e kanë cilësuar si një mënyrë kreative për të shpëtuar pronën nga ujërat që kanë përfshirë disa rajone të Kinës.
Përmbytjet e ditëve të fundit kanë shkaktuar kaos në shumë zona të vendit. Autoritetet kanë paralajmëruar se moti i keq dhe reshjet e dendura pritet të vazhdojnë edhe në ditët në vijim.
Një pronar makine në qytetin kinez Shenyang mori me qira një vinç për të ngritur automjetin e tij dhe për ta mbrojtur nga një tjetër përmbytje. Më parë, përmbytje masive lanë pas vete pamje të rrugëve të mbushura me ujë dhe makinave që merreshin nga vërshimi.