VIDEO/ Zjarr në Katedralen ikonike të Shën Vasilit në Moskë, flakët vihen nën kontroll
Një zjarr shpërtheu të premten në mbrëmje në Katedralen ikonike të Shën Vasilit, në Sheshin e Kuq të Moskës. Falë ndërhyrjes së shpejtë të shërbimeve zjarrfikëse, flakët u vunë shpejt nën kontroll, raportoi agjencia shtetërore ruse e lajmeve TASS.
Sipas raportimit, flakët përfshinë një sipërfaqe prej rreth 10 metrash katrorë në katin e parë të ndërtesës, në zyrën e një kleriku. Incidenti rezultoi në djegien e sendeve personale dhe mobiljeve.
Për shuarjen e zjarrit u angazhuan 10 automjete zjarrfikëse. Autoritetet bënë të ditur se flakët u neutralizuan brenda një kohe të shkurtër.
Shkaqet e zjarrit mbeten ende të paqarta dhe janë nën hetim. Autoritetet ruse konfirmuan se nga incidenti nuk ka pasur persona të lënduar.