Tragjedi në Filipine: Zjarri përfshin anijen e pasagjerëve, 5 të vdekur dhe 87 të zhdukur
Një operacion i madh kërkim-shpëtimi po zhvillohet në Filipinet perëndimore, pas zjarrit që përfshiu një anije pasagjerësh pranë brigjeve të Coron, në provincën Palawan.
Sipas rojes bregdetare, të paktën 5 persona kanë humbur jetën, ndërsa 42 janë shpëtuar. Ndërkohë, 87 persona rezultojnë të zhdukur.
Në bordin e anijes ndodheshin gjithsej 134 persona, mes tyre pasagjerë dhe anëtarë të ekuipazhit. Zjarri shpërtheu ndërsa anija ndodhej në ujërat pranë Coron dhe, sipas informacioneve të fundit, flakët ende nuk ishin shuar plotësisht.